Tuchel yashimangiye ko u Bwongereza bugomba guhindura imikinire

Umutoza w’Ikipe y’Igihugu y’u Bwongereza Thomas Tuchel, yasabye abakinnyi be kwemera impinduka no gukomeza kunoza imikinire yabo nyuma yo gutsindwa na Espagne ibitego 3-2 muri UEFA Nations League.

Uyu mukino wabereye kuri Wembley waranzwe n’ibitego byinshi ndetse n’amahirwe menshi ku mpande zombi. Espagne yatangiye neza ubwo Lamine Yamal yafunguraga amazamu ku munota wa kabiri, nyuma y’ikosa ryakozwe na Marc Guehi.

U Bwongereza ntibwatakaje icyizere, kuko Anthony Gordon yahise abona igitego cyo kunganya, mbere y’uko Cucurella marc yitsinda  igitego cya kabiri mbere y’uko igice cya mbere kirangira.

Mu gice cya kabiri, u Bwongereza bwagize uburyo bwo kwagura ikinyuranyo ubwo bwabonaga penaliti, ariko Harry Kane ntiyayibyazamo igitego kuko umupira we wakubise ku giti cy’izamu.

Espagne yakomeje gushyira igitutu ku Bwongereza maze Alex Baena atsindamo igitego cyo kunganya. Mikel Oyarzabal yahise atsinda igitego cya gatatu ku munota wa 74, biha Espagne intsinzi ya 3-2.

Nyuma y’umukino, Tuchel yavuze ko ikipe ye yakoze ibintu byinshi byiza, ariko ko hakenewe kunoza uburyo ikoresha amahirwe ibona.

Umutoza w’u Bwongereza yavuze ko abakinnyi be bagaragaje ubutwari mu guhangana n’Espagne, cyane cyane mu kugarura imipira no gusatira mu gice cy’ikibuga cy’um opponent.

Ku ruhande rwe, Harry Kane yavuze ko u Bwongereza bwari bufite amahirwe yo gutsinda, ariko ko Espagne yabashije gukoresha neza uburyo yabonye.

Uyu mukino wasize u Bwongereza bukwiye gukomeza kwibanda ku kongera ubukana imbere y’izamu no gukomeza gukina neza mu minota 90 yose, mu gihe ikipe ikomeje intego yo guhatanira ibikombe bikomeye.

NSENGIMANA Jean Bosco/Radio Salus