Gen. Muhoozi yavuze ko Bobi Wine atazongera kwemererwa kwiyamamaza muri Uganda

Umugaba Mukuru w’Ingabo za Uganda, Gen. Muhoozi Kainerugaba, yatangaje ko Bobi Wine, umwe mu banyapolitiki batavuga rumwe n’ubutegetsi bwa Perezida Yoweri Museveni, atazongera kwemererwa kwiyamamaza mu matora y'umukuru w'igihugu muri Uganda.

Gen. Muhoozi yabitangaje mu butumwa yanyujije ku rubuga rwa X, aho yavuze ko abayobozi ba Uganda bamaze kubona ko Bobi Wine ari: “igikinisho cy’amahanga.”

Ati: “Kabobi (Bobi Wine) ntazemererwa kongera kwiyamamaza mu yandi matora yo muri Uganda. Yagaragaje ko ari igikinisho cy’amahanga ubwo yahungiraga mu mahanga nyuma y’iminsi 10 amatora aheruka arangiye...”

Bobi Wine, amazina ye nyakuri ni Robert Kyagulanyi Ssentamu, akaba ari umuyobozi w’ishyaka National Unity Platform (NUP), riri mu mashyaka akomeye atavuga rumwe n’ubutegetsi bwa Perezida Museveni.

Ibyatangajwe na Gen. Muhoozi byakuruye impaka ku mbuga nkoranyambaga, cyane cyane ku bijyanye n’ubwisanzure bw’abanyapolitiki bwo kwiyamamaza no guhatanira ubutegetsi muri Uganda.

KWIHANGANA Emmanuel/Radio Salus