The Ben, Bruce Melodie na Element Eleeh bahataniye ibihembo muri HiPipo Music

Abahanzi Nyarwanda barimo The Ben, Bruce Melodie na Element Eleéeh bahataniye ibihembo muri HiPipo Music Awards 2026, bizatangirwa muri Uganda ahazwi nka Kampala Serena Hotel ku wa 13 Ugushyingo 2026.

The Ben ahatanye mu byiciro bitatu muri ibi bihembo, Element Eleéeh, ahatanye  mu byiciro bibiri, mu gihe Bruce Melodie ahatanye mu kiciro kimwe.

Ibi bihembo bya HiPipo Music Awards bigiye gutangwa ku nshuro ya 15, bikaba bigamije gushimira no kumenyekanisha abahanzi hanze y'imbibi z'ibihugu, ndetse no kumenyekanisha indirimbo n’abandi bagira uruhare mu iterambere ry’umuziki mu bihugu byabo, muri Afurika y’Iburasirazuba no ku Mugabane wa Afurika muri rusange.

Ni mugihe aba bahanzi bose bafite indirimbo nshya ziri gupigana muri iri rushanwa, aho The Ben afite iyitwa “Inshallah”, Element Eleeh akagira iyitwa " My Dear" ndetse na Bruce Melodie ufite iyo aherutse gusohora yitwa "Irya 4".

Aaron DUSHIMIMANA/Radio Salus