Itsinda ryo kuramya no guhimbaza Imana ribarizwamo Ishimwe Vestine na Kamikazi Dorcas bamaze guteguza indirimbo yabo nshya nyuma yo gutandukana na Irene Murindahabi wabarebereraga inyungu.
Ku wa Gatatu nibwo batangaje ko nyuma yo gutandukana na MIE Music bahisemo gutangira gukora nk'abahanzi bigenga ndetse bakaba bagiye gushyira Hanze igihangano gishya bise " Itabaza".
Aba bahanzi bombi bari kuba mu gihugu cya Canada bongeye kurarika abakunzi babo gukomeza kubana na bo, kubashyigikira no kubereka urukundo nk'uko byahoze.
Iri tsinda ryamamaye mu ntangiriro za 2020 babifashijwemo n'impano yabo ndetse na Irene Murindahabi; bagiye bakora indirimbo zakunzwe cyane zikanarebwa ku mbuga nkoranyambaga aho babaga bafite Milliyoni nyinshi z'abayirebye kuri YouTube.
Mu ndirimbo bakoze harimo Umutaka, Ibuye, Nzakomora, Yebo, Emmanuel n'izindi nyinshi. Iri tsinda ryaherukaga gusohora indirimbo yitwa " Usisite" yakunzwe n'abatari bake mbere yo gutandukana na MIE Music.
Aaron DUSHIMIMANA/Radio Salus
Ibitekerezo 0
Tanga igitekerezo
Nta bitekerezo bihari.