Outtara yageneye ubutumwa abafana ba Apr mbere yo gukina na Zamalek

Kapiteni akaba na Rutahizamu w'ikipe ya APR FC, Djibril Ouattara, yatanze ubutumwa bukomeye mbere yo guhura na Zamalek yo mu Misiri muri CAF Champions League mu mukino wa phase ya kabiri, aho phase ya mbere ikipe ye ya APR FC yasezereye Les Aigles du Congo yo muri Kongo Kinshasa.

Mu butumwa bwe yagize Ati: “Twubaha Zamalek kuko ari imwe mu makipe akomeye muri Afurika, ariko ntituyitinya. Twiteguye neza kandi dufite intego yo gutsindira imbere y’abafana bacu.”

Uyu rutahizamu yabitangaje mu gihe bafitanye umukino ubanza na Zamalek kuri uyu wa gatanu kuri sitade Amahoro ku isaha ya 18h00 i Kigali.

Uyu mukinnyi w'imyaka 27 y'amavuko kuva yagera mu Rwanda mukwezi kwa mbere umwaka ushize wa 2025 akinira ikipe ya APR FC yayitsindiye ibitego 59 mu marushanwa atandukanye arimo shampiyona yu Rwanda aho yatsinzemo ibitego 32, imikino ya gishuti yatsinze 15, igikombe cy'amahoro 6, Cecafa Kagame cup 4, nimikino nyafurika ya CAF CL yatsinzemo ibitego bigera kuri 2 yatsinze ikipe rukumbi ya Les Aigles du Congo kumukino wahuje ayamakipe kumukino wo kwishyura wabereye i Kigali.

SHYAKA Bienvenue/Radio Salus