Ikipe ya Manchester united yo mu Bwongereza yatangaje ko yagize Michael Carrick umutoza mukuru wayo mu gihe kingana n'imyaka ibiri ariko ishobora kongerwa.
Ibinyujije kurubuga rwayo rwa X kuri uyu wa gatanu taliki 22 Gicurasi 2025, Manchester united yemeje ko igiye gukomezanya na Michael Carrick nk' umutoza mukuru. Ibi bije nyuma yaho abakunzi n'abakinnyi biyi kipe batahwemye kugaragaza ko Michael Carrick ariwe mutoza ukwiye gutoza iyi kipe y'i Manchester.
Michael Carrick yageze muri Manchester united muri Mutarama uyu mwaka nk' umutoza w'umusigire nyuma y'uko uwari umutoza wa Manchester united, Umunyaporutigare Ruben Amorim yari amaze kwirukanwa kuri izo nshingano, Aho Carrick yagombaga gutoza iyi kipe kugeza umwaka w'imikino urangiye ubundi iyi kipe ikazashaka ugomba kuzayitoza mu mwaka w'imikino utaha.
Gusa si uko byagenze kuko nyuma yuko ayifashe yayifashije kwitwara neza birimo kuyigarura mu makipe agomba gukina UEFA champions League umwaka utaha no gusoreza ku mwanya mwiza byatumye ikipe ya Manchester united igirira Michael Carrick ikizere ikamuha amasezerano y'imyaka ibiri ari umutoza mukuru w'iyi kipe.
Michael Carrick yafashe iyi kipe iri kumwanya wa karindwi muri shampiyona ayifasha kugera kumwanya wa gatatu ndetse anayihesha itike yo gukina imikino ya champions league ya 2026-2027 nyuma y'igihe kinini itayitabira.
Nyuma y'igikombe cy' isi kandi Michael Carrick azafasha iyi kipe kwitegura umwaka utaha w'imikino haba imikino y'imbere mu Bwongereza ndetse n'imikino ya champions league bivuze ko agomba no kugira uruhare mu igurwa ry'abakinnyi iyi kipe izakoresha mu mwaka w'imikino utaha.
MUCYO THIERRY/RADIO SALUS
Ibitekerezo 0
Tanga igitekerezo
Nta bitekerezo bihari.