Ikipe ya Rayon Sports yegukanye igikombe cya CECAFA Kagame Cup 2026 itsinze Gor Mahia FC yo muri Kenya ibitego 2-1 mu mukino wa nyuma wabereye muri Stade Amahoro i Kigali, isubira ku ntebe y'icyubahiro muri iri rushanwa nyuma y'imyaka 28 yari ishize itaritwara.
Iminota 45 ibanza y'umukino wa nyuma wa CECAFA Kagame Cup 2026, yarangiye Rayon Sports itsinze Gor Mahia igitego 1-0 cyinjijwe na Junior Kameni. Iminota 90 isanzwe y’umukino wa nyuma irangira Rayon Sports na Gor Mahia FC zinganya igitego 1-1, hitabazwa iminota 30 y’inyongera.
Mu munota wa 96, Muhoza Daniel yatsinze igitego cya kabiri cyahagurukije Stade Amahoro yose, ahesha Rayon Sports intsinzi n'igikombe cyari kimaze imyaka myinshi gitegerejwe n'abafana bayo.
Mbere y'uko umukino utangira ndetse no mu kiruhuko, umuhanzi Chriss Eazy yasusurukije ibihumbi by'abafana bari bitabiriye uwo mukino wa nyuma, atuma ibirori birushaho kuryoha.
Iki gikombe ni amateka akomeye kuri Rayon Sports kuko giheruka kwegukanwa n'iyi kipe mu 1998. Intsinzi yo mu 2026 yongeye kugaragaza ko iyi kipe ikomeje gusubira ku rwego rwo guhatanira ibikombe mu karere ka Afurika y'Iburasirazuba no Hagati.
KWIHANGANA Emmanuel/Radio Salus
Ibitekerezo 0
Tanga igitekerezo
Nta bitekerezo bihari.