Umuhanzi Uworizagwira Florien wamamaye nka Yampano yatanze abishingizi bazajya bamwunganira mu nkiko barimo n'umushoramari Noopja nyuma yuko atakambiye urukiko asaba ko yarekurwa agakurikiranwa ari hanze.
Kuri uyu wa Kabiri tariki 23 Kamena 2026, Urukiko rwisumbuye rwa Nyarugenge rwaburanishije urubanza rw'ubujurire rwa Yampano ku ifungwa n'ifungurwa ry'agateganyo.
Yampano yatakambiye urukiko asaba ko yarekurwa agakurikiranwa ari hanze ndetse atanga abashingizi batatu barimo n'umushoramari Noopja.
Uyu Noopja aherutse kwandika ubutumwa kuri Instagram ye, asaba ko Yampano yarekurwa agakurikiranwa ari hanze ndetse yemera ko naramuka arekuwe aziyemeza kumukurikirana akamugira inama afatanyije na bagenzi be.
Umwanzuro w'uru rubanza uzasomwa tariki 26 Kamena 2026. Yampano yafunzwe akurikiranweho ibyaha birimo gukomeretsa k'ubushake, gukubita umugore, kunywa ibibyabwenge, gutera ubwoba n'ibikangisho n'ibindi byaha. Urukiko ruherutse gufata umwanzuro ko agomba gufungwa iminsi 30 y'agateganyo.
Aaron DUSHIMIMANA/Radio Salus
Ibitekerezo 0
Tanga igitekerezo
Nta bitekerezo bihari.