Rutahizamu Lionel Messi Yaraye afashije ikipe y'igihugu ya Argentina gutsinda Austria ibitego 2-0 mu mukino wa kabiri wo mu itsinda ihita ikatisha itike yo gukina imikino ya 1/16 y'igikombe cy' isi cya 2026.
Hari mu mukino wabereye kuri AT and T stadium mu mujyi wa Texas muri leta z'unze ubumwe za America wasize umunya-Argentine Lioneli Messi yanditse amateka mashya mu gikombe cy'isi.
Muri uyu mukino Lionel Messi yaciye agahigo ko kuba umukinnyi watsinze ibitego byinshi mu gikombe cy' isi mu mateka kugeza ubu aho yaraye yujuje ibitego 18 akaba arusha Miroslav Close na Kylian Mbappé bo bafite ibitego 16 kugeza ubu.
Messi kandi yabaye umukinnyi wa mbere umaze gutera penaliti nyinshi mu gikombe cy'isi aho amaze gutera penaliti 7 akaba yarinjije 4 ahushamo 3, izi penaliti 3 kandi yazihushije mu bikombe by'isi bikurikiranye ni ukuvuga icya 2018, 2022 na 2026.
Lionel Messi kandi yanditse amateka yo gutsinda igitego muri buri mukino mu mikino 6 y'igikombe cy' isi ikurikiranye bitarakorwa n'undi mukinnyi kugeza ubu.
Kugeza ubu ikipe y'igihugu ya Argentina imaze gukina imikino 2 mu gikombe cy' isi cy'uyu mwaka ikaba yarayitsinze yose yinjiza ibitego 5 byose batsinzwe na Lionel Messi kapiteni w'iyi kipe kugeza ubu ufatwa nk' umukinnyi wa mbere ku isi.
Nyuma yo gutsinda Austria mu ijoro ryakeye ibitego 2-0 yahise ikatisha itike yo gukina imikino ya 1/16 mu gihe hakibura umukino umwe mu itsinda izakinamo na Jordania.
Mu yindi mikino ikipe y'igihugu y'Ubufaransa nayo yaraye ikatishije itike ya 1/16 cy'irangiza itsinze Iraq ibitego 3-0, Norway ikatisha itike itsinze Senegal ibitego 3-2 mu gihe Senegal yo yabaye ikipe ya kabiri yo ku mugabane wa Afurika isezerewe mu mikino y'igikombe cy' isi cy'uyu mwaka nyuma yo gutsindwa imikino 2 ibanza.
MUCYO Thiery/Radio Salus
Ibitekerezo 0
Tanga igitekerezo
Nta bitekerezo bihari.