Manchester United yasezerewe na Brighton nyuma yo kuyitsindwa 3-2

Ikipe ya Manchester United yatunguwe bikomeye na Brighton & Hove Albion, iyisezerera mu ijonjora rya gatatu ry’igikombe cya Carabao Cup 2026 nyuma yo kuyitsinda ibitego 3-2.

Manchester United yatangiye umukino neza, itsinda ibitego bibiri byatsinzwe na Shea Lacey na Mason Mount, bituma abafana bayo batangira kwizera ko ikipe yabo iri hafi kubona intsinzi.

Gusa Brighton ntiyacitse intege yakomeje gusatira cyane, mu gice cya kabiri yagarutse mu mukino ikora impinduka zikomeye. Charalampos Kostoulas atsinda igitego cya mbere cya Brighton, mbere y’uko Pascal Groß na Maxim De Cuyper na bo batsinda ibindi bitego bibiri byahaye Brighton intsinzi ya 3-2.

Iyi ntsinzi yahesheje Brighton & Hove Albion gukomeza mu cyiciro gikurikiraho cya Carabao Cup, mu gihe Manchester United yahise isezererwa hakiri kare muri iri rushanwa.

KWIHANGANA Emmanuel/Radio Salus