Tottenham yaraye isezerewe, Arsenal na Liverpool zirakomeza muri EFL CUP

Ikipe ya Tottenham Hotspur yasezerewe mu Gikombe cya Carabao Cup nyuma yo gutsindwa na Liverpool ibitego 3-1 mu mukino wo mu cyiciro cya gatatu wabereye kuri Anfield Road, ku mugoroba wo ku wa kabiri taliki 15 Nzeri 2026. Liverpool yahise ikatisha itike yo gukomeza mu cyiciro cya kane cy’iri rushanwa.

Liverpool yafunguye amazamu ku munota wa 21, ubwo Alexis Mac Allister yatsindaga igitego cya mbere. Cody Gakpo yaje kongera ikinyuranyo ku munota wa 54, mbere y’uko Conor Gallagher atsindira Tottenham igitego cyo kuyigarurira icyizere ku munota wa 69. Dominik Szoboszlai yaje gushyiraho akadomo ku mukino ku munota wa 90+1, atsinda igitego cya gatatu cy'agashinguracumu ku ruhande rwa Liverpool.

Ku rundi ruhande, Arsenal na yo yatsinze Ipswich Town ibitego 4-2, ikomeza mu cyiciro cya kane. Umwana ufite impano idasanzwe Max Dowman ni we wabaye umukinnyi w’umukino, nyuma y'uko atsinze ibitego bibiri ku munota ya 7 n’uwa 47. Noni Madueke na Mikel Merino na bo batsinze ibindi bitego bya Arsenal. Ipswich yishyuyemo ibitego bibiri byatsinzwe na Anis Mehmeti na Chuba Akpom.

Mu yindi mikino yabaye, Fulham yatsinze West Ham United ibitego 3-2, Brentford itsinda Reading 2-1, mu gihe Peterborough United na Barnsley banganyije ibitego 3-3 mbere y’uko Peterborough itsinda kuri penaliti 7-6.

KWIHANGANA Emmanuel/Radio Salus