Ikipe y' Igihugu ya Espagne itozwa n'umutoza De La Fuente yatsinze umukino wayo wa mbere mu gikombe cy' isi cya 2026 kiri kubera muri Leta Zunze Ubumwe z'Amerika, Mexique na Canada; nyuma yo gutsinda Arabie soudite ibitego 4 -0.
Hari mu mukino wa kabiri wo mu itsinda H wabaye kuri iki cyumweru taliki 21 Kamena 2026 aho ikipe y'igihugu ya Espagne yari yakiriye Arabie soudite wabereye kuri Atlanta stadium muri Leta zunze Ubumwe z'Amerika yakira abafana barenga ibihumbi 68.
Muri uyu mukino ikipe y' Igihugu ya Espagne yasabwaga kudakoramo ikosa na rimwe ntiyatinze kwigaragaza dore ko ku munota wa 10 gusa Lamine Yamal yafunguye amazamu, ku munota wa 21 Mikel Oyazabal atsindira Espagne igitego cya kabiri ndetse anongeramo icya gatatu ku munota wa 24 mugihe icya Kane cyitsinzwe na Tambakti ku munota wa 49'.
Muri uyu mukino kandi Lamine Yamal yaciye uduhigo dutandukanye nko kuba yanditse amateka yo kuba umukinnyi watsinze igitego muri buri rushanwa yitabiriye.
Lamine Yamal kandi yabaye umukinnyi wa kabiri ukiri muto ubashije gutsindira igitego Espagne mu gikombe cy' isi aho abikoze afite imyaka 18 n'iminsi 345 akurikira Gavi wabikoze afite imyaka 18 n'iminsi 110.
Kurundi ruhande Mikel Oyazabal amaze kugira uruhare rw' ibitego 21 mu mikino 13 aheruka gukinira ikipe y'igihugu ya Espagne kuko yatsinze ibitego 14 anatanga imipira 7 yavuyemo ibindi.
Nyuma yo gutsinda uyu mukino Espagne yafashe umwanya wa mbere by'agateganyo mu itsinda H n'amanota 4 aho ikurikiwe na Uruguay, Cape Verde na Arabia saudite zose zinganya inota rimwe rimwe.
MUCYO Thierry/Radio Salus
Ibitekerezo 1
Tanga igitekerezo