Umuhanzi Yvanny Mpano yakatiwe igifungo cy’iminsi 30

Umuhanzi nyarwanda Mutangana Yves uzwi nka Yvanny Mpano, yakatiwe igifungo cy’iminsi 30 n’Urukiko rw’Ibanze rwa Kicukiro, nyuma yo guhamwa n’ibyaha bijyanye no gukoresha biyobyabwenge no gukururira abandi muri ibyo byaha.

Urubanza rwasomwe ku wa 11 Nzeri 2026, aho Yvanny Mpano yaburanishijwe hamwe n’abandi bantu batandatu. Urukiko rwemeje ko bose bahanishwa igifungo cy’iminsi mirongo itati, mu gihe umwe mu baregwa yagizwe umwere nk’uko bigaragara mu cyemezo cy’urukiko kiri mu makuru yatangajwe.

Yvanny Mpano ryari risanzwe ari izina rizwi mu muziki nyarwanda, cyane cyane mu ndirimbo z’urukundo. Yamenyekanye mu ndirimbo zirimo “Ndabigukundira”, “Amateka”, “Mama Lolo” na “Waruzuye”.

Uyu muhanzi kandi yize umuziki ku Ishuri ry’Umuziki rya Nyundo, aho yize kuririmba kuva mu 2014 kugeza arangije mu 2017. Mbere yo kwibanda ku muziki, yakoze akazi ko kwakira abantu, amafaranga yavaga muri ako kazi akayashora mu guteza imbere impano ye.

Mu 2024, Yvanny Mpano yavuze ko yari amaze igihe adashyira hanze ibihangano kubera ibibazo by’amikoro ndetse n’imikorere mibi y’abamufasha mu mishinga ye. Nyuma yaje kugaruka mu muziki akorana na Social Mula indirimbo “C’est La Vie”.

Yvanny Mpano kandi yigeze gukora indirimbo “Twibuke”, yifatanyamo n’Abanyarwanda mu Kwibuka Jenoside yakorewe Abatutsi mu 1994.

inkuru y’urubanza rwe yatumye izina rye ryongera kuvugwa cyane, cyane ko iminsi 30 y’igifungo ari igihano gikomeye ku muhanzi wari umaze imyaka myinshi yubaka umwuga we mu muziki.

KWIHANGANA Emmanuel/Radio Salus