Umuhanzi Davis D wamamaye nk'umwami w'abana ukunze kwiyita Umwami w'amajyepfo yatanze ibyishimo bidasanzwe ku bakunzi be mu bitaramo bya MTN IWACU MUZIKA FESTIVAL byaberaga I Huye kuri uyu wa Gatandatu.
Uyu muhanzi yinjiye k'urubyiniro yishimirwa bidasanzwe ndetse yinjira mu buryo bwatunguye abari bitabiriye ibi ibitaramo byatangiriye muri aka karere.
Aherekejwe n’itsinda ry’ababyinnyi bambaye umukara hose kugera k'umutwe, babyina bunamye gake bazunguza imitwe batavuye aho bari bategereje Umwami wabo, ni uko yinjiye k'urubyiniro.
Davis d yinjiye k'urubyiniro afite ikintu kimeze nk'imbunda cyakaga amabara atandukanye agitwajwe n'umusaza. Ibi ni bimwe mu byatangaje abari bitabiriye iki gitaramo.
Yaririmbye indirimbo zirimo Biryogo, My people, Turarenze, Itara, n'izindi. Anakora agashya ko kuririmbana n'abahanzi bakoranye harimo nka Platin bakoranye 'Jeje'na Bushali bakoranye 'Bermuda'.
Ni umuhanzi wa karindwi wagiye ku rubyiniro rw’i Huye mu munani basusurukije abantu mu bitaramo bya ‘MTN Iwacu Muzika Festival 2026’, bizagera mu mijyi irindwi inyuranye.
Aaron DUSHIMIMANA/Radio Salus
Ibitekerezo 0
Tanga igitekerezo
Nta bitekerezo bihari.